Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 2.1 | Dem. 2.3 (English) | >>Dem. 2.5 |
2.1ἐπὶ πολλῶν μὲν ἄν τις ἰδεῖν , ὦ ἄνδρες Ἀθηναῖοι , δοκεῖ μοι τὴν παρὰ τῶν θεῶν εὔνοιαν φανερὰν γιγνομένην τῇ πόλει , οὐχ ἥκιστα δʼ ἐν τοῖς παροῦσι πράγμασι · τὸ γὰρ τοὺς πολεμήσοντας Φιλίππῳ γεγενῆσθαι καὶ χώραν ὅμορον καὶ δύναμίν τινα κεκτημένους , καὶ τὸ μέγιστον ἁπάντων , τὴν ὑπὲρ τοῦ πολέμου γνώμην τοιαύτην ἔχοντας ὥστε τὰς πρὸς ἐκεῖνον διαλλαγὰς πρῶτον μὲν ἀπίστους , εἶτα τῆς ἑαυτῶν πατρίδος νομίζειν ἀνάστασιν , δαιμονίᾳ τινὶ καὶ θείᾳ παντάπασιν ἔοικεν εὐεργεσίᾳ .
2.2δεῖ τοίνυν , ὦ ἄνδρες Ἀθηναῖοι , τοῦτʼ ἤδη σκοπεῖν αὐτούς , ὅπως μὴ χείρους περὶ ἡμᾶς αὐτοὺς εἶναι δόξομεν τῶν ὑπαρχόντων , ὡς ἔστι τῶν αἰσχρῶν , μᾶλλον δὲ τῶν αἰσχίστων , μὴ μόνον πόλεων καὶ τόπων ὧν ἦμέν ποτε κύριοι φαίνεσθαι προϊεμένους , ἀλλὰ καὶ τῶν ὑπὸ τῆς τύχης παρασκευασθέντων συμμάχων καὶ καιρῶν .
τὸ μὲν οὖν , ὦ ἄνδρες Ἀθηναῖοι , τὴν Φιλίππου ῥώμην διεξιέναι καὶ διὰ τούτων τῶν λόγων προτρέπειν τὰ δέοντα ποιεῖν ὑμᾶς , οὐχὶ καλῶς ἔχειν ἡγοῦμαι . διὰ τί ; ὅτι μοι δοκεῖ πάνθʼ ὅσʼ ἂν εἴποι τις ὑπὲρ τούτων , ἐκείνῳ μὲν ἔχειν φιλοτιμίαν , ἡμῖν δʼ οὐχὶ καλῶς πεπρᾶχθαι . ὁ μὲν γὰρ ὅσῳ πλείονʼ ὑπὲρ τὴν ἀξίαν πεποίηκε τὴν αὑτοῦ , τοσούτῳ θαυμαστότερος παρὰ πᾶσι νομίζεται · ὑμεῖς δʼ ὅσῳ χεῖρον ἢ προσῆκε κέχρησθε τοῖς πράγμασι , τοσούτῳ πλείονʼ αἰσχύνην ὠφλήκατε .
2.3
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 2.1 | Dem. 2.3 (English) | >>Dem. 2.5 |